叻叻康復記

每隔幾日，銅鑼灣動物醫院都有打下電話過黎問叻叻情況。

最初幾日都無乜進展，叻叻都係咪一咪下眼，有時衰到特登唔俾隻右眼我地睇，捉住佢滴眼藥水仲要安慰佢一番，體重仲由73g跌到68g，擔心死我地。不過特登安排潮潮同佢一個籠，佢心情先好d，有返d胃口食下野，潮潮對唔舒服的佢都多加體諒，好讓佢，都無拔佢毛，一齊喺巢箱度仲好似親密佐。
題外話，亦因為叻叻唔舒服，潮潮先有得受惠，餐餐食瓜子糧同串串粟，頭幾日開心死佢，之後好似食滯佐，手餵瓜子都想食咁。

最近叻叻好似生猛佐，我地捉住佢滴眼藥水，佢仲識得好大聲鬧鬧鬧我地，就算我地點安慰，佢都要企喺walter膊頭鬧佢一餐（佢淨係見到walter同佢滴眼藥水，但見唔到我同佢包毛巾），體重升返73g，而潮潮都始拔叻叻的毛。

其實總結而言，我覺得睇潮潮對叻叻的態度，就會知道叻叻的好返程度