Week 28

其實兩三個星期開始，已經有流牙血，今個星期好似嚴重佐，刷牙時直情啖啖血。

半夜小腿抽筯多佐，但都係一個星期幾次，可幸都係維持五秒佐右，因為我即刻做鬆筯，以前仲會大叫抽筯呀，而家都費事叫、費事嘈醒老公啦，自己搞得掂。

但，呼吸依然困難……我好辛苦好辛苦啊，野又食唔落，氣又透唔到，條氣又成日喘住，哪吒個阿媽點頂到陀住三年ga？！俾著係我要咁樣過三年，真係切腹自盡好過囉！！

小水瓜成日都郁郁郁郁，我同佐阿b講，我就黎死啦，第二日佢郁得細力佐又慢佐，溫柔佐好多，到我驚佢係咪有事唔郁啦~~

其實到而家，雖然個肚已經好大大，但係好多時我都無為意自己係大緊肚，成日一起身就即刻起身，話走就走，我呢個粗心大意的媽媽，都係等阿b狠狠地大大力踢我，我先至會意識到佢的存在ga la……