我受傷了

今日放工返到屋企，見到豆豆反常地喺雞雞個籠頂度係咁咬塊籠布。

水吧︰「係呢，今日豆豆好鐘意玩籠布wor，玩佐成個下午la~~」

我望一望個糧兜同水兜，所有野都無郁過，無論豆豆點爛玩，都無理由不吃不喝ga~~但豆豆又俾我模佢wor，就連平時最最最唔鐘意我摸背脊，今日都好乖咁俾我摸~~我問水吧幾時開始係咁~~

水吧︰「下午三點到而家ga la~~」

嘩，咁咪成三四個鐘無食野飲水law，無理由ga ma，我即刻俾粒杏仁豆豆，平時好鐘意杏仁的豆豆睬都唔睬，掉佐粒杏仁就繼續咬籠布。
我問︰「佢隻腳仔係咪click住喺籠度呀？？」

水母︰「唔係呀，佢行黎行去，又無叫wor~~」

我見雞雞個籠仲闊過豆豆的腳趾，真係唔覺佢click住wor，但再細心睇原來豆豆一小片腳趾甲尖就正正click住佐個籠的手挽位！！

我同walter即刻想諗方法幫豆豆，但豆豆好似知衰咁孵住隻腳唔係好俾我地睇，知道咩問題時，walter就即刻拎架生嘗試去撬開個手挽，但係見到又螺絲批又鉗咁，豆豆都好緊張，為免咬到walter，我就想拎粒杏仁窒住豆豆個咀，混亂之際，豆豆咬佐我一啖唔放口，佢個咀係倒勾形的，所以都入得幾深，同佢鬥力真係分分鐘成忽肉都扯埋出黎，我順勢俾佢咬住，但水母就作狀拎報紙拍打佢令佢最後鬆口。

大肚婆唔病得，唔可以受傷，唔係因為佢地特別矜貴，原來係因為我地有咩事係唔可以亂食藥，亂搽油，今晚整親隻手，喺無得用莪朮油、無得用雲南白藥之下，只靠用敷料按住傷口，再舉高隻手，等左兩鐘頭，仲係慢慢滲血……所以，以後我都係做返太后，咩都等人服侍好了。

喺我處理緊個傷口的時候，walter慢慢同豆豆解釋，佢好似明哂咁，靜靜咁望住walter用螺絲批幫佢撬開個手挽，好快就鬆開佐，walter就不停又摸又哄幫佢定驚，而我就繼續孤孤獨獨望住個傷口滲血，幸好傷口深，所以唔痛。

後補︰

反正流少少血都唔會死，就算滲成晚又滲到幾多血丫？！
最後，都係因為太眼瞓，快快手手單手沖個涼，繼續舉高隻手大覺瞓。

第二日天光時，雖然塊膠布滲滿血（其實當晚換佐三塊膠布，上圖係第一塊，下圖係第三塊），但係總算止佐血啦，不過傷口附近應該會瘀一排……