1/3的展場係d無謂booth，例如sell保險、信用卡同d無啦更的野，例如急凍長腳蟹、鑊、湯包等等，你經過都會by pass果d。
1/3的展場係sell兒童用品，係比啱d小朋友的用品，例如書枱、椅、書、教材等等，大住個肚的我都係by pass。
淨返1/3的展場中，有3成係d奶粉媽媽會，因太多人，我見到會by pass；有3成係我呢d窮等人家覺得貴到飛起，見到都會by pass的booth，例如過萬蚊一架的bb車；有3成係d價錢同街價無乜分別，無乜promotion price的booth，我望兩眼都會by pass的booth。淨返最後一成，我係會行耐少少，但係未必間間都有心水野買到。
帶住老公，極速行佐一個鐘就走得人，真係行咁耐expo同fair都未試過咁快手啊（其實可能我以前都行得快手，只不過係展場大要行多幾個鐘而己），加上，雖然去之前iris千叮萬囑要我喺門口用10蚊買本購物卷，我見到門口個counter咁多人，已經即刻走先，諗住入到去多野啱先買本書仔，最後因為無乜野啱，更加無買書仔，無貪佢果d小禮物，總覺得拎自己的個人資料去換d唔值錢的小禮物唔多好咁，所以行得超快。
最後，只光顧的三個counter，買佐幾包紗巾、毛巾仔、口水肩、鞋仔、一塊牙膠等等同一個vtech的安睡投影機。
其實我最最最鐘意個v tech 安睡投影機。
其實我初時唔鐘意呢d電子音樂機，覺得電子音樂唔好聽，好聽就要聽音樂盒果d，但係上次去到iris屋企，見到媽媽抱住兒子開住呢個安睡投影機，個場面真係好溫馨，突然間又覺得電子音樂都唔係咁難聽，仲好輕柔tim，加上我唔會有傳統bb床，根本set唔到moible，呢個投影機就可以取代mobile的功能了，而且只是159，真係非常抵，比起之前網上睇中的disney$750的投影機，令我毫不猶豫地付款。
小水瓜，呢個就係爸爸媽媽第一份買俾你的玩具la，你會喜歡嗎？？
紗巾覺得好平，50蚊一包八條，我買佐兩包~~
沒有留言:
發佈留言