豆豆，我家的小傢伙（video）

今朝仲見到小傢伙想出籠，但又出唔到，試下又退下咁，但聽講下午已經好醒目咁出籠啦，我擔心佢好快識自己開門tim~~

佢好鐘意玩衫夾，水母用衫夾夾菜菜俾佢食，佢竟然識得咬開個衫夾拎菜菜出黎~~

雖然攰到七彩，但放工依然去左鸚友盡有掃貨，今舖真係大出血，買佐一堆野，唔好話我偏心，部份玩具雞雞都有份，仲係專屬tim ga（雞雞超鐘意棕櫚葉同皮﹐潮潮喜喜就超超超鐘意膠繩，一個鐘頭內必定ko，真係咬仲快過我穿）。不過飛行帶同麻繩未有貨，所以只好訂左貨先，好心急想知佢用飛行繩o唔ok~~

似乎小傢伙好似都鐘意玩下玩具ga~~



而買俾小傢伙最最最緊要係包harrison high protein coarse，希望佢可以轉到食harrison，健康d，食high protein打好個底準備過冬~~而家雞雞食緊harrison fine，原來harrison coarse同fine個size係差咁遠！！如果小傢伙真係食的話，佢的食量又俾雞雞多，應該好快食哂一包~~

而家食緊果包tropitcal mix，佢有d揀飲擇食，最最最鐘意nuts，其次係瓜子、香蕉乾呢d香口野，最最最後無得食先會掂下咬下d果乾

次次拎親包tropical mix，潮潮都雙眼發光，騰黎騰去，唔俾佢仲識叫，我順手都放佐d菠羅乾同木瓜乾入糧兜，希望可以借此開拓下雞雞的food range（佢地除佐harrison、瓜子、菜菜同串串粟，真係咩都唔食，咩都唔敢試），好在爆爆都不負我所望，都掂下咬下d果乾~~我俾水吧試食佐佢tropical mix的nuts，可能係natual無加調味，水吧話唔好食，我試食佐菠羅乾，都幾好味，引到水母水吧又齊齊試~~

小傢伙今晚都繼續痴住walter，連walter在食雪梨都痴都實一賓，walter分佐指甲咁細的雪梨俾佢，佢好似好鐘意食，仲一副仲想要咁樣~~我地俾佐兩三片指甲咁細的雪梨佢食，佢食完仲識得用walter件衫抺咀！！

小傢伙滿足之後，就俾佐個驚喜我地，就係講佐句野，但我地聽唔清楚，只有兩個音節，把聲好似電子辭典發音咁~~

小傢伙同雞雞非常唔同，佢膽大心細，見都咩都想咬下試下感受下探索下，唔似雞雞咁膽小咩都唔肯試，因為體型較大，有較強的力量，見到茶几上面有個裝垃圾的籃仔，佢target佐入便的柑皮，佢努力佐好耐都拎唔到d柑皮，索性成個籃仔咬起搬到籠頂慢慢享受佢的柑皮，嚇到我地即刻收好d野，有佐佢之後，要時時刻刻留意自己有無手尾，因為小傢伙對樣樣野都好好奇，又有番咁上下智慧，提防佢就好似提防小朋友咁。佢今晚仲試按電視搖控，唔知按佐d乜，無哂畫面，仲要可愛寶寶搞一輪~~

幫小傢伙改名真係令人頭痛，因為不知道性別，要改個中性又可愛的名，又要突顯到佢的性格，而且要貫徹我家雞雞的傳統——用曡字，仲要同D朋友、雀友的寵兒唔好重覆~~

本想叫綠綠，同六同音，特顯佢成身綠色、排行第六、身價六千，但水母話綠綠個音有D沉（而且同可愛寶寶個名近音 XDDD），提議改名叮叮。唔怕生壞命，最怕改壞名，真係怕佢好快「釘」，而且我又有朋友個花名叫丁丁~~

最後，諗下諗下，就叫「豆豆」~~ .

P.S.後來回家再細查，千算萬算之下，都同leo的綠色折衷撞名！！好在我同leo唔熟，希望佢可以好似leo的豆豆咁乖咁善解人意啦~~