變心

突然收到消息，爸爸暈倒入院，放工即刻去醫院探爸爸，拖著疲累的身軀回家，已經十一點多。

尋日寫blog仲講緊小傢伙好痴我，點解今日無見一排就變佐心，返到屋企發現佢痴住walter，又要上佢膊，又入房搵佢，妒忌死我啦~~

walter話聽到佢開始識講野啦，佢第一句野竟然係叫︰「叻叻~~」雖然咬字唔係好正，但吹到我地bear一聲~~錯過了小傢伙說話的時刻，真係有點可惜~~

雞雞對佢都無咁驚，淡定好多，不過當小傢伙好奇靠近雞雞時，叻叻即就發惡，不過佢都係紙老虎，如果小傢伙唔係咁溫馴惡返轉頭，叻叻實調頭走~~

叻叻而家都大膽到走入人地個籠大肆搜略，睇下佢有咩好味道的野，不過礙於身型咀型唔同，小傢伙的食物太大舊，叻叻最後無功而還，都佢係都要攞返個彩，飲佐人地水兜兩啖水先走~~

今晚小傢伙食多佐野啦，最最最鐘意nuts，最唔鐘意乾果~~

因為我好夜先返，小傢伙眼瞓了，係咁打呵欠，當佢眼瞓時，原來咬人係無咁就力的，要留意留意下先啦~~

晚安了，小可愛~~