再遇（video）

從may may家接過雞雞後，仲十五十六，去唔去接渣甸bb好，真係好多野諗，買過哂d籠同用品，又係一筆。

水母︰「唔駛買籠呀，用你上次朋友送果個啦~~」

原來我一直忘記佐hoic上次送佐個籠俾我，個籠隙太疏，雞尾不合用，但渣甸這種中型雀應該剛剛好！！就水母這一句，今天終於的起心肝接渣甸bb回家。

一見到我，佢就俾佐個BIG BIG KISS俾我~~ 嚇到我即刻合埋我個口……

因為在附近買唔到harrison high protein coarse，只好求求其其買一支樹枝、一支磨爪棒、一包tropical mix dry food，就同佢返屋企。

在坐車途中，佢非常乖，一d都無叫，仲係隔住個紗窗，用個頭頂住我隻手，示意我去摸佢頭仔~~

有時我在行袋的氣孔裝雞雞，雞雞通常都係呆企，但我用氣孔裝渣甸BB，竟然見到佢隻眼仔，透過氣孔望出外面，非常醒目，佢見到我望佢，仲不停伸咀仔出黎，真係嗲死人啦~~

返到屋企，個個都好歡迎佢，又乖巧又溫馴，只係雞雞們因為佢較大的身型而嚇佐一跳，特別係爆爆同喜喜返應都較大。

佢每行一步都好小心翼翼。不過我有少少擔心佢個腳鍊扣，佢好似成日都踩到個腳鍊扣咁，而佢在籠頂走動時，個腳鍊扣好似成日都KICK到佢咁，等我遲D去鸚友盡有買條飛行帶，睇下佢可唔可以就唔駛用腳鍊扣啦~~

今日只係回家第一日，無乜食野，但不停便便~~小傢伙好痴我，我入房時，佢仲特登入房搵我~~

無諗過咁快接佢返屋企，無諗過買渣甸，只因為佢係佢，佢的本身，佢的靈魂，也許這就是緣份，其實係佢揀佐我做主人，而唔係我揀佢做寵物~~

小寶貝，因為你，我先有呢份榮幸~~

返屋企的豆豆重243.5g，多多指教喔！！

P.S. 佢喺個籠入便好似好enjoy喔~~