重聚

我總覺得雞雞應該在may may家樂不思蜀，籠子又大，又有瓜子糎源源不絕地供應，無人再迫佢地食harrison，又有菜菜，所以覺得再遲d帶返屋企都無所謂。

但老公大人堅接要盡早接雞雞回家︰「你就算唔接呀，都要還佐個喼俾人ga~~人地乭能要用ga ma~~」

咁咁咁，唯有即刻約阿may啦~~may may鐘意叫佢地做「四寶」，而家開始感染埋我地叫佢地做「四寶」，希望唔好變「四寶雞飯」 XDDD

於是我地又去探阿may啦~~聽著人地講雞雞，真係覺得超搞笑，其實雞雞的性格鮮明，may may好快就拿得準~~

原來我地果日一走，叻叻已經唔老黎，係咁發may may脾氣，又惡又咬人，仲用個背脊得住人，相反潮潮爆爆喜喜有得食有得玩就乜都唔理，當正自己屋企咁，may may的小雞一家都好好客，盡情招待潮爆~~

May may對叻叻說︰「你唔好再用個背脊得住我啦，如果唔係唔帶你返屋企ga~~」

叻叻聽完之後，即刻轉身，扮哂可愛咁望住may。

May︰「你上手丫，你上手就帶你返屋企。」

叻叻聽完就即刻上手。

第二日may may又話︰「你上手丫，你上手就帶你返屋企。」

叻叻聽完就即刻上手。

第三日，may may又同叻叻講同一番說話，叻叻已經唔鬼睬佢啦~~

我地一去到，叻叻即刻認得我地，仲上埋walter膊頭要佢摸摸。然後仲好似賠罪咁，好主動咁上may may膊頭，要佢摸摸，仲好親近咁同may may合照~~

知啦佑啦，叻叻，我地知你好乖啦~~

而潮潮爆爆呢排就喺may may屋企交配~~喜喜仲係呆下呆下，自成一角。

May may今日帶我地去佢屋企附近睇田同村的風水池，風水池有好多魚、龜同錦鯉，睇到我好興奮，我好鐘意may may屋企喔~~

May may把她的家打理得井井有條，好值得我好好學習~~

可能雞雞都知道返屋企啦，所以坐地鐵一路都好安靜（今次組合係潮潮叻叻、爆爆喜喜），直至落車前一個站，一開車門就叫，我安撫佐一下︰「未到喔，仲有一個站先落車呀~~」佢地就即刻靜哂啦。

返到屋企，一切如舊，好似去may may屋企只係發佐張夢，佢地從來無離開過自己屋企咁~~當然，為佐慰勞佢地，梗係雙手付上串串粟啦~~