十五十六

自從尋晚之後，我個心真係十五十六，係咪真係咁想要？？

concerns:

- 身價好貴，而且只係一個開始，仲要買糧、用品、babrahbrah……

- 中型鸚鵡同潮潮爆爆佢地唔同，需要多d注視同關心，所以更需要主人的付出。

- 中型鸚鵡需要的活動空間較大，同埋會較嘈吵（如果嘈到好似葵花、大白咁就pk啦~~）

- 平均壽命閒閒地都四、五十歲。

- 個咀咁大，咬到實好金，真係手指都隨時咬得斷。

- 大家會唔會只鐘意同佢玩，忽略潮潮爆爆呢？？

同埋呢種品種唔係我常見的灰鸚、塞內加爾、金剛、迷你金剛……對佢都唔係太熟悉……都係上網搵搵料先~~

"賈丁氏鸚鵡是Poicephalus-波斯菲勒斯鸚鵡中體型僅次於海角鸚鵡的第2 大種類，國內人工繁殖的進口鳥不常見，總共有3種亞種，大賈丁氏鸚鵡( Poicephalus gulielmi massaicus )、小賈丁氏或橘冠鸚鵡( Poicephalus gulielmi fantiensis ) 、黑翅賈丁氏鸚鵡( Poicephalus gulielmi  )，而其中以小賈丁氏(橘冠)鸚鵡比較少見，在市場上的價格也比較高，其特徵是頭部呈橘黃色而非紅色；賈丁氏鸚鵡外表看似亞馬遜鸚鵡，手養鳥可成為很不錯的寵物鳥，而且比較安靜，在同屬的鸚鵡中有較佳的學話能力，且比較不會成為只親近、信任一人的鸚鵡，也不會像亞馬遜鸚鵡在繁殖期變的十分有侵略性與攻擊性。 賈丁氏鸚鵡被認為非洲亞馬遜鸚鵡，亦有人稱之為 "完美寵物鸚鵡"。基於它們溫馴、不嘈雜、不會只認一個主人。在繁殖期亦不會像亞瑪遜般有攻擊性。學話能力相當高，有部份專家認為這類鸚鵡跟灰鸚鵡有同等智慧。"

雖然叻叻已經好叻，由其大病之後，親近人得黎又有性格，都幾過癮得意，但係我想養隻大小小的鸚鵡，覺得佢會淡定d，同埋可以教多d野（雖然多數都係由佢想點就點、縱壞多），水吧都想要一隻識講野的鸚鵡，可以同佢傾下計，我都覺得咁樣佢喺屋企會多d細藝。之前係有想過灰鸚鵡，因為有較佳的學習能力，但睇佐幾年，都覺得灰鸚個樣較惡，而且灰鸚都係出佐名多羽粉的，四寶加埋的羽粉已經夠勁，如果仲要加多隻灰鸚，真係不敢想像。但渣甸似乎有灰鸚的長處，又無我concern灰鸚的缺點，價格都平灰鸚一截（雖然都唔係平），個性溫馴，應該可以同雞雞夾到，umum，真係好吸引~~

思索又思索，諗佐好耐，十五十六，唔知買唔買好，買佐就係多一條生命，要為佢的一生而負責，好大責任ga。

但點都好，一定要拎佐雞雞返屋企先可以俾渣甸入屋，因為要顧及雞雞的感受，唔可以一返到屋企就發現俾人進駐佐，而且要俾新丁知道佢係新丁，要尊重長輩~~

都係拎佐雞雞返屋企先算~~