相遇

今日經過灣仔，想買少少手信俾newbird的小雞一家，又買d零食俾雞雞好迎接佢地返屋企，所以去佐均記~~

去到均記，非常熱鬧，返佐好多lovebird，仲有市場少見但我又最鐘意的藍色同湖水綠。

見到有隻阿瑪遜，不停烏低身撩我，又講「hello」又唱「happy birthday to u」~~我即刻拍短片啦~~

仲返佐成籠黑白雞尾，我立刻俾黑白雞尾吸引住。

行近d去睇下d黑白雞尾，當我非常留心的時候，突然我感覺到有人持續輕輕力扯我d頭髮。

原來係頭頂用企棍養的小鸚鵡喺度撩我！！佢被腳鍊鎖住，貪玩到吊住隻腳都要烏低撩我，仲要我幫佢梳頭r痕，嗲到我暈得一陣陣~~妹姐話佢係渣甸wor~~

返到屋企，梗係扮哂可愛咁同水母水吧講啦，我俾佐識唱happy birthday to u果隻阿瑪遜俾水吧睇，水吧即刻雙眼發光問價錢，我話阿瑪遜要成十幾萬ga，水吧即刻話唔得。

然後我話︰「但係有一隻好痴人好可愛ge呢，六千八咋，好唔好呀？？」

水吧即刻雙眼發光︰「我出二千！！」

隨後可愛寶寶加碼︰「咁我出一千啦~~」

咁咁咁，其實錢呢就唔係問題，只不過屋企夠唔夠地方再放多一個籠養多隻雀呢？？