北京 family trip ~ Day 3 明十三陵、長城、王府井

今天氣溫開始下降，但都是可接受程度，約3-17度，希望今次行程順順利利，不要冷著老人家。

今天我們參加了早已預訂的local tour，所以要特別早起床，因為八時就要出發了~~

尋日掛住食，無影到個早餐tim~~呢個就係我鐘意的小米粥，送佐榨菜送粥，有煎蛋，今日無我鐘意的肉丸，但係蘋果汁同橙汁，最啱鐘意溝果汁飲的我~~

還是坐者車參觀遊覽比較舒服，同行的還有三對洋人，導遊是地道的中國人，那個崇洋媚外的態度惹得水母水吧非常不高興，由於我們都很會聽英語，沿途導遊一面指著這個建築那個建築說ugly，一面又取笑中國人傳統思想，我覺得很有問題。所以之後都是導遊帶著老外，而且我們又帶著老人家，只好借口老人家行走較慢，我們自己一到景點後自己走，一場來到旅遊是為了尋開心的，不想水母水吧為不相干的人而弄得心情不好。

水母說三十年前到明十三陵的分別可大，三十年前她要走好遠路才到陵恩殿，十路走來就好多破落的石獸，她以前還抱著石獸拍照的呢！！現在很多明勝古蹟都由國家好好保護，而且有特別的配套，基本上一下車就可以立刻參觀，快捷方便，但欠缺了感覺細味的氣紛。

有時真的有點不明所以，中國人為什麼愛把每個銅像、石碑、鯉魚池都當作許願池，要把銅錢紙幤擲上去呢？？難道是從中練習冒險樂園的歡樂擲彩虹嗎？？

如果真係有鬼魂，堂堂一個皇帝點睇自己的銅像而家俾人用錢（仲要係一元）掟呢？？

可能是曾經看過《我的家在紫禁城》的展覽，在那次的展覽中特別注意明清宮殿的建築物和守護宮殿的各種神獸，如今能親眼看到，真的興奮非常~~

螭首，是龍的第六子，能吞江吐雨，負責排去雨水，所以多數用來做排水獸，呢隻螭首個樣超可愛喔~~

再行上去，去到明星樓，明星樓後面就是寶山，一盤老百姓的話就是墳頭，但皇帝的墳就叫寶山。但我們只能行到明星樓，不能上寶山。如果咁講，以下呢個就係巨型版的神主牌~~

十年前我去過西安秦始皇陵，因為已開墓，所以非常壯觀，但明十三陵沒有開墓，基本上除了宏偉的殿閣之外，都沒有什麼好看的，而且四周荒蕪一片，怪不得古時去守墓是懲罰的一種。

唯有看著令我們非常雀躍的紅葉吧~~

看過明十三陵後，導遊讓我們參觀一家玉石商店，說穿了就是一些shopping event。我到峉里、南非的local tour從來也沒有shopping event的，但可能中國導遊的收入來源不一樣，所有中國的local tour一定會有shopping event，不過他也沒有硬性規定我們一定要買東西，就讓我們聽一聽個tutorial學習如果分別玉石的真偽，再參觀一下玉石精品製造過程~~

然後就要在這個商品區逗留45分鐘，才讓我們去吃飯。商品區玉石成品有平有貴，有大有小，不過我們跟老外都沒有多人興趣。呢隻船超爆笑呀︰天安門、毛主席、天壇、塔、龍舟mix埋一堆~~

walter的攝影作品，好有氣勢啊~~

養雀的我梗特別鐘意呢個啦，不過超貴喔，要五位數字喔~~

呢個玉雕的荔枝真係正~~

飯也是隨便的吃，普普通通一餐，求其能吃飽就算。

吃飽後我們都出發去長城了~~

當初選行程時，水母選擇去八達嶺長城，因為比較好走，但距離市區也要一個多小時車程。去到長城，正時陰天，非常的冷。

我們的旅遊車基本上停在長城非常近的位置，一下車走一小段路就到了。三十年前水母去長城時還要走好遠的路，去長城已經可以佔去一日的行程，因為走得好辛苦，更有不到長城非好漢的感覺，現在走長城，已沒有這種感覺和味道了。但同時也慶幸時代的進步，否則走得辛苦，可會苦了兩老呢~~

開始踏上長城上的全家幅，珞珞好壯健呀~~後面的斜路先係戲玉呀，等陣就行佐去後面果座峰火台~~

行到一半，兩老都要休息一下，好溫馨的畫面，忍唔住即刻影~~

畏高的我好難得上到峰火台ga~~

長城下的景色非常優美~~

就這樣，我們全家都上到長城，全家都做了好漢。

準備離開長城時，天色才轉晴，又看見一片藍天，有點可惜啊~~

之後導遊帶我們去民族園看茶道表演，我們又知道是一個shopping event，所以決定不去看表演，由司機車我們去附近一個地鐡站下車好了，我想導遊也想讓我們早早走，因為香港客要求高又麻煩，沒有那些老外容易處理，哈哈~~

我們在北土城站上車。北京的地鐡站都有其特色，北土城站的theme的青花瓷，好漂亮啊~~

昨天說地鐡所有乘客的袋子都必須過x光機檢查，今天要求更嚴格，看見我們袋子有瓶水，要親眼看我們喝一口，沒有事才讓我們帶著走。今次的目的地是王府井，在維新西街（p.s. 我常常聽錯成「衞生世界」，哈哈）轉車比較容易，沒走太多路，但若在東單轉綫坐一個站到王府井，可是走得遠啊，所以我們聽從導遊的意見，在東單下車，經過一個商場，到王府井。

今天決定吃一餐較好的晚飯，看到blog友說花家怡園很不錯，本來想到四合院店的，但原來王府井也有一間分店，但不是在王府井大街，在澳門商場，問路人他們卻好像不知道，只好直接打電話去花花怡園問路。我打到花家怡園，接線的好有耐性教我，但我的煲冬瓜始終係有限公司，對北京的路又唔熟，佢不停講乜乜胡同轉入，我都聽唔到係乜，轉佐2個人聽我個電話都唔知佢講乜，水母叫我俾個電話俾水吧試下聽，水吧聽佐幾句，應得頭頭是道，轉頭竟然隊返個電話俾我，話一句都聽唔到？！omg，對方轉第3個人聽個我電話，我只好從最基本的問︰「我而家在全聚德，面向xx，背後是地鐡站，你簡單地說，我應該向前走，還是往後退？！」對方這時才懂得說直行見到紅綠燈轉左。搞咁耐原來就係咁簡單！！

去到澳門商場，先發現原來呢個商場係非常高級的商場，就好似中環的landmark、太子大廈咁，我諗本地人都好少行過去，唔怪得之我地一直問路人都無人知啦，而且王府井都係旅遊區，路人本身都唔一定係本地人tim~~

呢間花家怡園原來叫八爺府分店，因為老闆排第八。呢餐超抵食，酸梅湯無限添飲，斟茶斟酸梅湯仲非常勤，服務員仲好好招呼，好主動分菜同幫忙夾菜，結賬時仲無拉拉俾個八折我地，d野食仲好食過全聚德好多~~今餐食得全家都好滿意~~

八旗小羊排

好靚仔的師傅幫我地片皮鴨~~

我地今次叫佐個雍正烤鴨，平時去食烤鴨都二百蚊一隻，見到呢隻雍正烤鴨成三百蚊，有咩咁巴閉呢？？待應話雍正烤鴨多d配菜，夾餅都有三款，而且鴨種都唔同，咁即管叫一隻試試啦~~

片好的片皮鴨上碟非常有氣勢呀，walter話非常肥味好食，好有鴨味，係食過最最最好食的鴨~~

魚蝦蟹煲，呢個稍為遜色，可能京城並不是盛產海鮮的地方

八爺鴨方

八爺燒餅，入鄉隨俗，唔好掛住食飯，食燒餅啦~~

蟹粉豆腐

最後仲送一個糖水，銀耳蘆薈杞子甜湯~~

食完都超超超超超飽啦，但係一場黎到，梗係去行王府井小食街啦~~有好多野食，不過已經無肚食啦~~

見到最最最鐘意的冰糖葫蘆都食唔落啦，呢度大串好多，不過要rmb 10~~

原來北京好興食麻雀，見到一隻隻無毛的麻雀，就好似雀bb咁死埋一堆，好恐怖啊~~

王府井小吃街行過少少，就係東華門夜市，不過由於旅遊書標錯地方，搞到我地兜佐個大圈先去到。東華門夜市全部都係小食檔，d野食仲特別過王府井小吃街，而旅遊書都係寫價錢就東華門夜市貴少少，但係就真係好食好多~~

海星，點食？！

鯊魚bb，有無搞錯？！

蒸富貴蟹，但企喺街食蟹，好難搞wor~~

羊寶，即係羊睪丸~~

蠶蛹，小兒科啦，當年去西安時，蠶蛹係好似炒粟子一包一包咁賣，一串幾粒太小家了~~

不過，梗係無食啦~~

蜈蚣

炸蠍子 rmb 20

炸蠍王，rmb 50

炸蟈蟈

去完兩條食街，行過乜都無食，因為在花家怡園食得太飽飽啦。

原來王府井好難截車ga，好多白牌車，勁捉我地上車，我地一直行唔理佢地，車費貴都算，聽講亂上白牌車，仲好容易俾人唔知車去邊再打劫。我地去佐apm的士站等的士，等佐好耐無的士，點知等著架免費穿梭巴士，車佐我地去東單站上地鐡~~

今次坐佐兩程地鐡，兩程都有人讓坐俾水吧水母，北京的人真的很好~~