醫院day 6

今日是在醫院的最後一天，我很早就起床開始收拾東西了。

小水瓜在哭著要奶時，一抱起才發現片片濕了，正想推著bb車返回育嬰房時，火警鐘就突然響起來，嚇得同房的爸爸們都衝出來看過究竟。

此時，選擇有三︰
1. 餵奶
2. 推小水瓜到育嬰房換片
3. 準備拾野走佬

我立刻退到房間，急著看看要拿文件、手袋還是什麼的，最後選擇只拿電話，推著bb車，決定先去育嬰房看個究竟，順便換片片，走到走廊，姑娘說應該是警鐘誤鳴，著我可以推bb到育嬰房，等換片片時我還不忘whatsapp老公關於警鐘誤鳴，哈哈~~

*********************************************************************************************

懷孕時期時好多人順口會問︰「喺邊度生呀？？」

當我答養和之後，個個的反應都係︰「好貴呀~~」、「真係有錢」之類。

其實林文英醫生是掛單醫生，當初佢俾我揀st paul或者養和，其實我係鐘情st paul多d ga，因為st paul交通方便，可以方便黎探我的人，但係林醫生的意見就覺得養和好d，老公就覺得醫生的意見最重要，因為畢竟手術室設備用得順手同醫院配套配合到醫生，先至係最最最重要的，所以最後我地選擇佐養和。

當然我地亦只是普通人家，所以我只要最基本的普通房就好了~~

今日終於都出院了，養和呢六日五夜真係令我非常難忘，如果可以喺度坐埋月就好囉，呵呵呵~~

在此特別感謝婦產科林文英醫生，麻醉歐陽醫生，先科陳仕文醫生，真係黃金無敵鐵三角組合，感激遇到你們！！特別係林醫生的老到經驗，對我的嚴格要求和跟老拍檔緊密合作，產後我復完得很快而且小水瓜很健康呢！！

感謝醫院細心照顧我同靖宇的姑娘們和房務部，好耐心教我地點餵哺母乳同照顧bb，令我地超快上手，d飯餐超好味，我會懷念呢度的炒米粉，貴妃雞飯和焗豬扒飯，我真係從來未試過住院住到唔捨得走！

最後梗要多謝黎醫院探我同小水瓜的親朋友好們，帶左好多禮物同食物俾我，等我喺醫院開p咁源源不絕可樂送熱浪；仲有多謝在懷孕期中支持我鼓勵我俾好多好好的意見的朋友們，特別係果排情緒很差特別扭計的時刻，好多朋友對對我在facebook中的發洩十分認真對待，對我又哄又氹又勞氣又俾我激到暈一暈，總是令我感到很窩心。

last but not least，梗要多謝水母水吧老公對我處處的照顧關心呵護忍讓，特別係老公成日俾我搞到模稜兩可，又好氣又好笑，晚晚瞓覺無論係我發開口夢定真係肚痛都不停俾我大叫"好肚痛呀"而嚇到醒一醒，知你呢十個月都無乜瞓過好覺，以後晚上有靖宇的喊聲接力啦！！

由單身一個人，到結婚變成兩個人，今日再進入新階段已是三人小家庭啦，多謝各位的支持也繼續接受大家的祝福鼓勵和支持，今後我的blog可能會變成師奶page大談媽媽經啦，哈哈哈！

Finally, we are home!!