醫院day 5

半夜三更發夢醒左，不如聽下醫生講，去下餵哺室餵奶，順便學下佢的擺設啦，難得熟睡中的小水瓜喺未瞓醒之下都肯啜。

養和對餵人奶的支持真係做得好好喔，除左餵奶室的設備好好之外，仲有一班好好的姑娘個個都指導我，而且奶粉選擇方面有illuma供應，所以搵一間全心支持餵哺母乳的醫院真的好重要喔！！

我一在餵哺室按鐘，姑娘就將bb預備好俾我啦~~

可能頭幾日，對bb仲有新鮮感，餵完見bb瞓得好好，都由bb繼續瞓，唔捨得還俾姑娘。

最後姑娘走過黎接返bb走，叫我快d去休息瞓下，但係我瞓佐一陣，又瞓唔著，七八點餵完阿b後，仲覺得脹奶，所以又走去餵哺室，又試下玩下奶泵。餵完奶都仲泵到80ml，真係好鼓舞啊！！

今次泵奶揀佐個窗口位坐，原來個景係好好好正ga。

不過今日因為太早起身，打亂佐個routine，所以好攰攰了。下午爸媽姨姨又黎佐探我，大家又抱b影相，我地又影全家幅啦~~