醫院day 4

小水瓜真係算好易湊，當其他bb喺度聲嘶力時，小水瓜都可以安然憩睡，佢除佐肚餓會喊兩聲示意之外，其餘時間都係瞓瞓瞓瞓，仲會一路食奶一路瞓著tim~~

今日annick、爸爸媽媽姑姐又黎探我地。annick又帶左兩支coke light lemon俾我，正爆啊！！

唔知點解次次林醫生巡房時，我都係喺度餵緊奶，林醫生讚我超勤力；但兒科陳醫生次次巡房，我都喺度un un腳，食住薯片睇緊戲，可能陳醫生都心諗呢個媽媽唔知喺度搞乜~~

兒科陳醫生真係超超超勤力 ，基本朝早我一起身，佢就喺我床尾出現一次，我臨瞓又喺我床尾出現一次，都交代bb的情況交代得好詳細，佢都係一個好有醫德的醫生，叫我有咩唔好去診所度先，打一打電話過去，因為好多野喺電話度解決到就唔駛抱初生bb走來走去。

臨走前醫生仲送左一袋水奶sample同nuk即棄奶咀俾我，話叫我有時唔好咁辛苦半夜餵奶wor~~ XDDDDD