屯門醫院產前講座《初生嬰兒常見的問題及準父母的角色》

繼續聽關於初生兒的產前講座。
對於前半部份《初生嬰兒常見的問題》，真係唔好意思，我真係瞓著佐，不過老公大人好乖，聽足全程，佢話同上兩個星期雅培果講座《初生嬰兒護理知多少》差唔多，不過d圖片更誇張、更嚇人，真係如果怕核突野、恐怖野果d就千祈唔好聽，入到去都好似我咁瞓覺好了。

第二part《準父母的角色》請來明愛社工過黎講，分懷孕期同分娩後，孕婦情緒的轉變、準爸爸的心理轉變、夫妻及家人的關係等等，其中我非常認同的是，就算結佐婚、有佐小朋友，都要去拍下拖，有兩個人單獨甜蜜的時間，亦要保持同朋友的社交活動，咁樣生活先會健全的。

最後一part係陸姑娘加插的，講生b的小貼士，陸姑娘講得非常生動有趣，講點樣的姿勢可以生b時借力，雖然我係開刀，但都覺得好有用。