喜喜受傷 II

其實如果要方便的話，梗係帶喜喜去元朗珍禽異獸寵物醫院啦，但經過尋日之後，我都唔想去元朗珍禽異獸啦。我覺得做醫生，最緊要有醫德，對傷患有愛心。

於是，一早就帶佐喜喜去灣仔，諗住俾妹姐睇一睇，再book埋銅鑼灣動物醫院做back up。如果講不太嚴重的外傷，我比較信妹姐，佢好似跌打醫師咁，喺呢方面比較在行，但若是傷風病痛、骨折等等，我較相信獸醫。
我大約八點半去到灣仔，食個早餐慢慢座，順便俾喜喜有個安定的環境適應下。

尋日單獨住一個籠，今日又住行街袋，驚青的喜喜嚇壞了，我開一開個窗，佢即刻好alert，嚇到我即刻上哂布簾，希望俾個安心的環境佢。我想觀察佢時，都只敢用手機鏡頭去透氣位影相睇。

等到十點九妹姐先開門，好在我係熟客妹姐先肯睇咋，佢非常熟練地一手捉住喜喜檢查，好在喜喜只是小傷，沒有骨折沒有斷趾，妹姐幫忙噴藥後可以即時走，不過我下午要返工，所以暫放妹姐度，等老公放工再接喜喜。

老公放工接喜喜時，話見到喜喜喺妹姐度自己一個籠企喺企棍度休息，一切都ok。我地都好安心。

呢排喜喜都會住隔離籠先，睇下情況