pekkle 舊式傳統「幸福兒童」揹帶

雖然買佐i-angel 的hip seat 揹帶，但係對於傳統的揹帶我都係情有獨鐘，因為細個幫嫲嫲揹住小表弟時都係用傳統式的揹帶，感覺好似唔係傳統式的話，會用得好論盡，所以都係買返條傳統揹帶喺屋企安心d。再者，可能我身型細粒，所以用i-angel好似著佐盔甲咁……

傳統舊式揹帶真係好難搵，好似無乜地方有賣，但係估唔到喺元朗行下行下，俾我發現︰

見到個鴨仔格仔款，我已經唔多老黎，覺得一d都唔靚，仲要點解前面個pattern仲要係咁樣的「長命富貴」ga？！真係救命呀！！

我心目中係想要「幸福兒童」揹帶呀……

不過「幸福兒童」無鴨仔款呀……

有一次同老公講起︰「我想要一條『幸福兒童』揹帶呀~~」

老公︰「乜野係『幸福兒童』揹帶？？」

我︰「用完個兒童就會好幸福ga la~~」

老公︰「……」

我︰「總之我就要一條『幸福兒童』揹帶啦，但係買唔到啊……」

老公︰「買唔到咪再睇下啦，反正我地已經有一條。」

我︰「嗚嗚……無『幸福兒童』揹帶用，我地個b就唔幸福la……」

所以你話背後的「幸福兒童」四個大字幾咁緊要呢！！

不過，元朗呢間的揹帶，質地算幾好，條帶又夠粗身，索價168，我覺得有d貴，當然如果有鴨仔的「幸福兒童」我應該都係會買佐先，最後都係攪攪震無幫襯……

之後再去西灣河，見到又有「幸福兒童」揹帶，索價85，一見價錢平一半，就雙眼發光！！唔理三七二十一，個款ok就買佐先，買佐同面型的phococco。呢個係公公婆婆送俾小水瓜的禮物呢，佢地堅持揹帶一定要公公婆婆送的。

買完之後先覺得笨佐，早知應該睇多幾檔，可能會有鴨仔「幸福兒童」揹帶呢~~