屯門醫院產前講座——產前運動實習班

我好期待的產前運動實習班終於都有得上la，係由物理治療部負責的，好pro啊~~

其實主要係教d拉筯的動作，有少少似yoga咁，大家實習時仲有導師逐個指導，講返d動作有咩做得好、有咩唔夠好。所以我覺得呢個實習班好實用。
呢個實習班淨係孕婦可以參加，謝絕丈夫或家人的陪伴，我初時都大惑不解，但都叫佐老公唔駛陪我去，但當日發現有幾個孕婦帶埋老公去，我有少少不悅，因為始終係實習班，喺墊做實習的動作比較大，又有可能會走光，始終有男人在場仲要佢地無聊地行來行去，心理上有少少不方便的感覺，而且女導師教會陰肌肉運動，後來仲模擬生仔瞓喺度擘開哂腳示範呼吸法，有男士在場真係小小尷尬。所以奉勸各位媽媽，請顧及其他媽媽和女導師的感受，唔好帶埋個老公去做產前運動實習班la。

至於產後實習班，就要喺醫院生完後，先可以喺產後房報名la。