屯門醫院產前講座——產前及產後運動

自從去完上次的屯門醫院講座，老公對醫院搞的講座印象非常不好，所以非常唔想我再去醫院的講座，但係對於今次的topic我非常有興趣，尤其我最近suffering盤骨痛、背痛。

不過今次呢個講座令我對醫院搞的講座印象大改，講者講得非常生動有趣，絕不是照稿讀。
雖然係講產前及產後運動，但主要都係講理論，但同時亦提醒返我地日常要保持正確的姿勢先可以避免各種的疼痛，呢樣野都要我去留意返，日常生活中如何保持身體的重心。

當然，呢個講座的delight係，原來講座後可以即場報名參加產前運動實習班，可以齊齊身體力行做練習，即係如果無參加呢個講座，就無得參加個產前運動實習班，所以我好鼓勵20 week後的孕婦參加呢個講座同實習班，因為產前運動要過左20 week先可以做ga~~

btw，喺講座後，大會將相近預產期相近的孕婦group埋一齊報名，我發覺喺一堆十月份預產的媽媽中，我個肚係最大大大ga，真係有d驚驚啊，好驚小水瓜做大碼bb。