我地又見面啦~~

四月八日先去完屯門醫院照超聲波，今日又去見林文英醫生，係咪真係要檢查得咁密呢？？

其實我都諗佐好耐，因為睇私家睇一次都幾貴，600診金+600超聲波，但係又覺得老公上次無去屯門醫院睇過，老公係未見過bb手腳齊全有埋羅柚果個樣，況且林醫生佢有錄開dvd，唔通第時拎返隻dvd果陣，skip佐一次record，上次果次個半月照完一下彈到去見到4、5個月的bb咩？？就當keep返個record，拍個成長片段都好~~（p.s. 如果係第二個，實唔會嘥埋d咁的錢搞d咁的野……）

同埋仲有好多問題想問醫生。老公又唔想我求其買d補充劑，所以一定要醫生開營養片先安心。
一照超聲波，bb郁都唔郁，我即刻話前幾日去屯門時好活躍ga~~

醫生安撫我︰「可能bb瞓緊覺呢~~」

呢個時候阿b即刻郁手郁腳la，仲左轉轉右轉轉，上次佢都無轉身ga，莫非佢真係識聽我地講野？！

我問︰「聽講超聲波果d頻率係bb聽到ga，所以佢地一照超聲波會好煩躁，係咪咁ga？？」

醫生︰「好似又無學說咁講wor，不過有d醫生會大力d咁襟個肚，咁bb就會郁多d咁law~~」

嘩，前幾日去屯門醫院個護士超超聲波果陣勁用力咁將支棒棒"乞"住我個肚，"乞"到我都痛痛地，唔怪得之阿b郁得咁勁la~~

今次的超聲波清楚好多，醫生都好詳細咁講，見到佢手指仔、腳趾仔，仲數齊佢有齊十隻手指、十隻腳趾tim~~醫生估bb係男仔~~嘻嘻~~

今次度到bb約5.8cm，短短四日又長佐la~~

見到bb就超興奮啦，都無乜野老公有咩感覺lu~~