今朝水吧見到我︰「乜你唔駛返工咩？」
水母代答︰「係呀，佢今朝睇醫生呀~~」
水吧︰「睇醫生？！我唔信，睇醫生邊有佢睇得咁開心丫~~你呃我ge~~」係ge，平時我唔係病到死下死下都唔會睇醫生，更加討厭食藥，仲揀藥食tim~~
因為今日醫生第一日返工，生意興隆，朝早已經非常多人，我九點佐開始在診所等，等到九點半都未論到我，水吧水母仲特登入一入診所同我講佢地去食早餐先，咁我唯有繼續苦等。苦等不是一個問題，但忍尿卻是一個問題，為了好讓今朝在診所驗孕，所以一早都忍著不敢去廁所，最後還是忍不住跟姑娘先留尿。
等到十點，終於見到醫生，確認了懷孕。
本來想十一點返工，但而家應該趕唔切﹐乾脆請半天假，下午再回去，所以可以先join水吧吃早餐。
仲未等得切拎醫生紙，已急不及待打電話俾水母。
我︰「水母，醫生confirm佐啦~~」
水母非常高興︰「真係呀，咁你快d同水吧講啦~~」
我︰「醫生仲計埋預產期，同水吧同一日生日呀~~」水母忍唔住哈哈大笑~~
之後就通知爸爸媽媽同可愛寶寶。
跟住就去佐餐廰見到水吧，水吧又無問我做咩睇醫生wor~~
我︰「你尋日咪話想讀兩年神學文憑ge，而家諗成點呀？？」
水吧︰「我諗下都係唔好啦，陣間個個去旅行我無得去咁點呀？？」
我︰「都唔止去旅行ge，我驚你出年無時間啫~~」
水吧︰「係呀，都係短期course好啦~~」
我︰「醫生頭先confirm佐我有bb啊，你做爺爺啦~~」
水吧好surprise咁笑︰「真係有少少突然喎，我無諗過咁快。」係ge，兩三個星期前我同水吧食早餐仲酸溜溜地話個個朋友同同學都有bb，唔知幾時輪到我呢~~
我︰「有樣野我諗你仲估唔到tim，預產期係你生日果日呀~~」
水吧笑到收唔到聲~~之後水吧仲開心到請我食早餐tim啊~~
食緊早餐時，又心血來潮check 下頭先診所介紹的健康院，原來要親身去登記ga，即刻拿拿臨會合水母一齊去健康院登記（如果唔係我邊識路丫），登記完之後，佢指示我仲要去屯門醫院登記，屯門醫院上午收十二點，我離開健康院已經十一點半啦，所以唯有下午再去，要請埋下午假了，所以呢，好在一朝早去診所check咋，估唔到一整天都要忙著去呢度果度預約登記，拎住一日的到診紙放假真係一日通行。
我本身話十一點返，又改佐下午先返，而家仲改請全日假︰「jeff，我要請全日啦，下午都唔返ga la~~聽日見啦~~」
Jeff好緊張︰「你無野丫ma~~」
我︰「我pregnant呀，今朝先知，原來好多野要book ga，我今日一次過搞埋ga la~~」
Jeff︰「真係ga？！幾耐啦？」
我︰「一個月咋~~」
Jeff︰「吓？！一個月？！咁唔講得ga wor~~」
我︰「係呀，所以你唔好周圍講呀，同我同manager講聲啦，同埋以後睇住小妹我呀~~」
喺屋企稍休一下，book埋私家醫生下星期做第一次檢查，上年龍b分娩套餐先五萬蚊，但今年蛇b要六萬？！太太太貴貴貴啦~~
水吧水母又陪我去屯門醫院登記，水母話以前有bb時水吧都無陪佢呢樣個樣，而家就將呢d補償返哂喺個孫度，其實呢我老公今日都要返工無陪我啦，好在今日叫佢要返工咋，否則好似我咁由請半日變佐請全日。
去到屯門醫院時，我個樣又細個，十足十俾老父老母押去醫院做登記咁，笑鬼死我地，之後水吧又請我地食tea~~
做哂所有野之後，我一個人去佐行商場，打書釘，睇下新手媽媽懷孕書，又買佐本筆記簿新手寫懷孕日記，希望第日同bb好似講床前姑事咁講返佢喺肚裡面的事，亦就呢本懷孕日記教佢他日有弟弟妹妹時，也會知道爸爸媽媽當年也是這樣寵愛他的。
沒有留言:
發佈留言