confirm bingo!

前幾日的事已經擺埋一邊，今朝突然醒起，因為上次係晚上驗的，今朝可以用晨尿驗會準d~~

今次第二條線超快出佐黎啦，但係都係非常淡色。我有d唔確定，老公堅持醫生說了算（可能怕我失望吧~~），忍不住send了相問快要臨盤的iris，iris說很大機會是bingo了呢~~

 

之後，我就梗係無佐件事咁啦，因為上個月一早約哂walter的朋友去大棠渡假村day camp，哈哈~~不過walter一路上全程都做駝羊拎哂d野，我就有史以黎唔同佢爭啦~~

但係玩的過程我都有就住就住，反正老公大人大安旨意，一日醫生未confirm都唔當係住丫ma，所以我去佐玩最簡單的繩網同踩單車（平路，無乜灣位），夜晚仲去佐燒野食，仲感慨緊，希望出年同一個時候都可以搞一個咁有益身心的gathering~~

晚上好開心咁告訴水母︰「我可能今個月唔駛再食果d好難食的中藥了~~」

聰明的水母︰「你有佐啦？！」

我︰「好似係，可能啦，條線好淺色，都係要搵醫生確定，如果係的話想早d拎醫生信，早d通知公司以便安排工作，唔想好似上次個同事咁唔知唔知就無佐~~」

水母不忘叮囑我︰「咁你呢排要好好注意保暖呢~~」

我︰「我今日踩佐單車啊~~」

水母︰「你咁耐無踩過，仲敢踩單車啊？？」

我︰「我識踩ga ma，呢d本能黎ga ma~~不過我無跳彈床~~」

水母︰「哈哈哈哈~~」

水母突然醒起︰「哎呀，咁你過年前仲發燒仲食佐抗生素tim~~」水母真係非常細心同心水清呀~~

我安撫︰「哦，唔緊要，我一早已經同佐梁醫生講話隨時有bb，所以佢開藥都講明話懷孕都食得ga~~」

我都不忘通知媽媽，話尋晚無送生日禮物俾佢，而家補返，嘻嘻~~