守秘密

守秘密真係好難好難，尤其是係喜訊~~

個個都話有佐未夠三個月唔講得，怕bb小器，但我直覺覺得我呢個b應該陀得好隱，奶奶同老公都話唔信會小器，但係行動上佢地真係無同人講wor。

我都淨係同佐公司senior、manager同hr manager講佐，咁d搬野、砌野、行來行去、travelling就唔駛我做，呢d梗係必然ga la~~但係其他同事，其實好唔好俾佢地知好呢？？

事件一︰

我送佐d薑茶俾我個同事，個同事好開心，即刻請佐食么鳳的八仙果。

拎住粒八仙果，我有d猶豫，但個同事又好期待我食。

我有d衝動想同佢講，我有佐唔敢亂食野，但我最後放佐入口，行開佐先吐出黎。

事件二︰

lunch同另一個同事傾計，傾到好興奮，個同事手舞足蹈，大力踢佐我張櫈一下。

我有d衝動想同佢講，睇住下我，最後我都無講，提一提佢唔好踢到我。

守秘密真係好難好辛苦，我真係好想好想大聲宣布，等大家都顧住下我，或者避開d尷尬情況~~