改變（video）

自從在may may家回來之後，雞雞們好像都有些改變。

喜喜似乎主動佐，成日主動出籠，肥佐，仲愈來愈似潮潮。佢飛得好佐好多，竟然識得轉灣同喺佢想降落的地方安定降落，唔通may may果度有飛行訓媡？！

叻叻，唔知係因為太耐無見主人，定係因為同豆豆爭寵呢？？嗲人嗲佐好多，今日仲俾我地輪流模頭仔模佐好耐，食飯前又要摸，食緊飯都要摸，不過雙面的性格始終沒有變。

潮潮應該喺may may屋企食雀粟食得太梳乎，返到屋企就望住豆豆個糧兜雙眼發光，無論伸到條脷幾長，都無可能隔住個籠掂到人地的糧兜ga la~~

至於爆爆，佢仲係大王咁樣自成一角，之前經常處於高度警惕絕不接受新事物，但而家似乎對乾果有少少少少興趣，最少都掂下。

豆豆今晚又痴住walter，我地食緊飯都想上飯枱，我俾佐兩粒飯飯佢食，佢”梅”得好滋味，水母切佐舊紅蘿白俾佢，佢咬佐幾啖就無興趣了~~後來walter入房打機，佢竟然走入房搵walter，總愛靜靜地站在walter膊頭上睇住個mon，今日佢應該心倩幾好，分別講佐三個單字「豆」、「no」、「叻」，雖然得果短短一下，但係我地都聽到似似地係~~所以以後真係要謹言慎行，d「妖」、「仆街」、「喂」唔好衝口而出……