Week 23

今個week好似又去佐個平台期，我自己覺得個肚無乜突然增長咁~~不過繼續有同事覺得我肚肚大左。

今個week唔知點解好似去返頭三個月咁，成日都突然好攰好眼瞓，試過放工一返到屋企瞓著佐，然後起一起身食飯後再繼續瞓。

小水瓜繼續好活躍，但都好定時活躍，不過公司樓上呢個星期成日鑽牆，搞到小水瓜喺鑽牆時郁得特別利害，可能身處在胎水中間，胎兒對震動的反應會特別敏感，所以我都會摸摸肚皮安撫一下小水瓜。