啱啱先搞掂完喜喜，喜喜隻腳先好返哂，今次就輪到叻叻~~係咪今年流年不利，d雞雞同我地擋哂d野呢？？
尋晚已經見到叻叻唔係好妥，隻右眼成日都咪下咪下咁，但係隻左眼又鬼死咁精靈，食野又ok，精神又ok，都唔知係咪真係有事。但係雞尾有咩病都好易發到上眼wor，所以商量後都係今朝睇醫生。
我左諗右諗，去元朗珍禽異獸寵物醫院定銅鑼灣動物醫院好？？
去元朗就近近地，唔駛咁遠，對雞雞黎講比較好，但係上次喜喜的經驗令我對元朗果間有d卻步。
但係好多雀友話銅鑼灣的醫生好，有時係咪都要付出第一次ge，如果去銅鑼灣睇，睇得好的話就可以當explore多一間診所，第日多一個選擇。
老公一鎚定音，最後決定去銅鑼灣，話坐巴士去都好方便wor~~就係咁，叻叻就跟佐老公出去睇醫生。
平時都係我主力帶雞雞出去ga ma，老公只係傍住，今次得老公一個人，真係有少少唔多放心咁……不過好在叻叻都跟老公，老公話佢好乖，坐車無亂叫大叫，係成日想出黎，耐唔耐要同佢講下野、傾下計，同佢講要去睇醫生之類。
去到銅鑼灣動物醫院，老公話醫院非常professional，單係第一次求診寫果份profile已經寫成兩頁紙，份quesionnaire勁詳細，仲係鸚鵡專用的questionnaire，包活籠的大小、有幾多隻同住、食咩主糧等等。
今次仲好好彩，竟然誤打誤撞遇到當值醫生係dr frank，佢係雀街好出名醫雀ga~~dr frank捉叻叻的手勢非常精準，叻叻係無得掙扎，只有劏雞咁慘叫~~
dr frank話叻叻眼膜炎，但佢真係好好，唔會迫人做無謂的化驗or治療，話個樣唔似細菌感染，但如果想confirm多d可以做測試，做一個test只係280，老公覺得做就可以對症下藥，好在最後測試結果只係普通眼膜炎，無細菌。
診金、化驗、開藥都係六百幾蚊，老公話好值得睇，對呢間診所好有信心，話下次有咩事都寧願同雞雞去銅鑼灣wor
尋晚已經見到叻叻唔係好妥，隻右眼成日都咪下咪下咁，但係隻左眼又鬼死咁精靈，食野又ok，精神又ok，都唔知係咪真係有事。但係雞尾有咩病都好易發到上眼wor，所以商量後都係今朝睇醫生。
去元朗就近近地，唔駛咁遠，對雞雞黎講比較好，但係上次喜喜的經驗令我對元朗果間有d卻步。
但係好多雀友話銅鑼灣的醫生好，有時係咪都要付出第一次ge，如果去銅鑼灣睇，睇得好的話就可以當explore多一間診所，第日多一個選擇。
老公一鎚定音，最後決定去銅鑼灣，話坐巴士去都好方便wor~~就係咁，叻叻就跟佐老公出去睇醫生。
平時都係我主力帶雞雞出去ga ma，老公只係傍住，今次得老公一個人，真係有少少唔多放心咁……不過好在叻叻都跟老公，老公話佢好乖，坐車無亂叫大叫，係成日想出黎，耐唔耐要同佢講下野、傾下計，同佢講要去睇醫生之類。
今次仲好好彩，竟然誤打誤撞遇到當值醫生係dr frank，佢係雀街好出名醫雀ga~~dr frank捉叻叻的手勢非常精準，叻叻係無得掙扎，只有劏雞咁慘叫~~
dr frank話叻叻眼膜炎，但佢真係好好，唔會迫人做無謂的化驗or治療，話個樣唔似細菌感染，但如果想confirm多d可以做測試，做一個test只係280，老公覺得做就可以對症下藥，好在最後測試結果只係普通眼膜炎，無細菌。
診金、化驗、開藥都係六百幾蚊，老公話好值得睇，對呢間診所好有信心，話下次有咩事都寧願同雞雞去銅鑼灣wor
想問下佢俾左邊隻藥你? 係咪都係眼藥水?? 我個隻兩星期前睇完醫生 好似好左 但呢兩日又開始發 又係隻眼成日都咪下咪下 仲有眼濕濕咁 我唔想再同佢睇醫生住 因為嚇到佢好驚 暫時去再配多支藥水俾佢滴住先!!
回覆刪除[版主回覆08/08/2013 22:11:27]佢開果隻應該係普通消炎眼藥水，如果你的情況不同，或者有細菌感染，有機會要用有抗生素那一種，所以還是最好相信醫生的專業意見~~
是不是叫銅鑼灣動物診所??
回覆刪除[版主回覆08/09/2013 12:50:28]銅鑼灣動物醫院
北角威非路道 25 號
2510 0836