屯門醫院產前講座《嬰兒餵哺》

之前iris極力推介我一定要參加政府醫院的產前講座，所以我都去聽下，去到見到有個lecture room咁，真係坐得好舒服又覺得好pro~~

可能之前已經聽過私人機構講母乳餵哺，難免會有expectation。我見今次講兩個鐘都係講嬰兒餵哺，上次去果個私人講座兩個鐘又講坐月又講母乳餵哺，咁我就梗係覺得今次應該會講得仔細d，話唔定除了講餵人奶，仲可能講聽餵奶粉tim，所以就算老公覺得今次的topic duplicate佐，我都夾佢一齊黎聽下。

我地早佐十分鐘到場，先睇哂一本關於母乳小冊子，其實內容都非常詳細，所以對於今次講座的expactation又高佐。

點知，可能當日講者心情好緊張，所有野都係照powerpoint讀，淨係講母乳喂哺，而d內容同本小冊子差不多，而且大部份都喺上次講座聽過，d資料都在網上睇過，一講到深入少少或者實戰少少，就即刻話產後房會再詳細講，（上次個私人講座都拎個假乳房做下樣，比對下。），所以一放break（之後係Q&A），我都拉住老公走佐，走去醫肚好過。雖然我覺得今次的講座麻麻地，我都好推介大家去，至少拎返果本小冊子，果本小冊子絕對係誠意之作，講得非常詳細又有remindings，有照片講解正確的餵哺方法，最尾仲有個電話list支援授乳媽媽，真係乖乖地睇哂本小冊子，連講座都唔駛去，仲日後可以做reference，隨時有咩唔識打返開咪書tim~~

期望下星期個講座，講關於產前產後運動，希望會幫到我啦~~