坐月食療及母乳餵哺講座

今日同老公第一次參加講座，其實之前都報佐名參加幾個，但始終頭幾個月都係唔係好穩定，成日覺得攰同唔舒服，所以無去到。

今次呢個講座係由bb care舉辦的，都係講坐月食療及母乳餵哺，我覺得有個有經費的陪月員去講講座，獲益良多，佢比較傳統坐月有咩可取及不合時宜的地方，現今的人坐月又有乜野宜忌，最最最重要的係有Q&A環節，可以俾人問問題，現今網絡資訊發達，好多時搵到的資料都有部份是矛盾的，有呢個Q&A環節更加分析啱同唔啱的野同埋佢的論點的根據。
至於母乳餵哺，我之前擔心產後無奶，或者有自己的想法去點點點做，聽講個講座後，我有d信心，也大概知道母乳餵哺是什麼一回事，同我之前所想像中有好大出入呢~~

我諗我要多多參加呢d講座，或者我唔可以將講者每句都記得，但聽多d講座，潛移默化之下，到時應該都唔會手騰腳震ga la~~