Week 7, 老公生日快樂喔~~

Week 7的肚子，可能好多人都未見肚，但拉高件衫之後，我就覺得我個肚好顯眼。好在呢幾年都興鬆身衫裙，我諗我而家d衫都夠著到四五個月。而家開始有腰骨痛同盤骨痛，唔係少少痠痛果種，而係由骨中心痛到出黎，通常日頭無乜痛，係晚上痛。

我覺得日頭影相會靚d，d採光好d，另外因為未食野，無胃口，影出來的效果好似真實d~~

前幾日返工，血壓低非常不舒服。朝早返工坐地鐵落車後都要坐10-15分鐘先落車。喺公司仲死下死下咁，喺toilet仲俾jenny的佐我去pantry休息一下tim~~

唔知呢個低血壓會維持幾耐，不過一日比一日進步。今個星期比上個星期好。

可 能瞓多佐，而家早佐好多起身，日日都瞓到七點但係就自然醒，為佐維持血壓血糖，平時唔食早餐的我，而家一起身就飲啖甜甜的薑茶，之後就食幾隻餃子先出門 口，但係呢幾隻餃子只可以維持我坐車用的能量，返到公司要再食早餐。午餐後再食tea，大約keep住兩至三個鐘頭有野到肚就好d，而家食澱粉質為主，因 為少飲水，所以主要食湯米湯粉，另外多食補血的牛肉同營養豐富的雞蛋，鮮奶已經無飲，怕會加劇胃氣問題，隨身再準備定朱古力同餅餅。而家我胃口好大，可以 食到好多野，成日都肚餓，雖然精神都係差d，但今個星期已經好好多。

胃口已經明顥變佐，懷孕前食的東西，而家有d野已經不能入口，例如磨菇、鹵水東西、咖喱、茄汁，主要都係食清淡的口味，清菜、蒸魚、肉餅已經夠哂。但食野少少麻煩，好多野我個腦覺得ok食到，真係要叫到放喺我面前先知自己食唔到。

今年老公生日，無乜精神預備，連book位食飯都要老公做埋，唔舒服之下唯有近近地係屋企附近食。今日胃口麻麻地，只食到1/3，老公清哂~~