早排多謝ceci的通報啊，u900黎香港開concert啊，好奇又貪新的我即刻叫老公陪我去啦~~呵呵呵~~
多得老公一早買佐飛，我愛你喔，chu chu chu~~
一入到會場，即刻跑去睇有咩紀念品，ukehk原來喺度擺檔，我已經有個u900的ukulele啦，所以都無咩好買，於是老公就送佐隻u900 2011年來香港演出的cd俾我~~
諗住今晚落大雨，唔知會唔會好少人，點知坐無虛席，仲有好多小朋友tim~~
其實u900的演唱會，對大人來講唔係寄望好大，因為只係一隻兔野同熊野大公仔行來行去，拎住個ukulele擺下pose，實質表演的係丞相先生、上原先生、老鼠先生（我忘了名字tim……），和主唱的香苗小姐~~
咁多個入便，我最最最欣賞打敲擊樂的老鼠先生，對ukulele的表演簡直有畫龍點睛的效果，而且佢的洗衫板樂器也非常特別呢~~可惜現場唔俾拍攝……
不過佢地係日本的團體，所以都係唱日文歌，有部份係英文歌，但如果無歌詞就真係唔知佢唱乜，我覺得選曲比較唔係咁大路，對於香港人難有共鳴，而且香港人對即席的表演都比較慢熱，所以開頭大家都不是太投入~~後來唱《叮噹》同《龍貓》的氣氛就好好多啦~~
但原來全晚的高潮所在係三個互動環節！！
第一個互動環節係請小朋友上台一齊唱《小明上廣州》，小朋友們都好踴躍啊，個個喺台下跳到彈下彈下，務求能夠被主持人挑選上台玩，不過主持人搞喊佐個小小朋友，而且好多小朋友太細個啦，無人對住個咪唱歌，甚至有好幾個攬住兔野同熊野唔郁，哈哈，互動的環節是即興的，其實都好難控制，特別係小朋友，所以笑位都係呢度~~
之後又請小朋友上台試彈ukulele，全場一齊合唱london bridge is falling down，呢個係全晚最最最好的氣氛~~我也好感動呢~~
最後一個互動環節係Q&A，真係估唔到有Q&A，仲諗住呢個係最悶最無聊的環節，但點知呢個係最最最搞笑的環節呢~~小朋友問d問題真係估佢地唔到~~不過主持人都無笑佢地，仲好專業咁將佢地的問題翻譯俾丞相先生、上原先生，等佢地親自解答，之後再翻譯俾小朋友聽。
小朋友A︰「其實呢，兔野同熊野個結他係咪氣球黎ga？？」
答︰「呢個係特製的ukulele，係俾兔野同熊野專用ga~~」
小朋友b︰「點樣彈ukulele先可以彈得好d ga？？」
答︰「保持開心的心情去彈就會自然彈得好ga la~~」（仲以為佢話要多練習tim~~）
小朋友c︰「兔野其實識唔識講野ga？？」
香苗小姐即刻躲藏在兔野的背後扮兔野講佐hello~~
小朋友d︰「咁呢，其實兔野同熊野係真係好好ge好朋友，定普通的好朋友黎ga？？」笑到我地肚痛。
兔野同熊野即刻熱烈地擁抱︰「佢地真係好好好好ge小朋友黎ga~~」
多謝老公大人讓我有一個愉快開心的晚上啊~~
沒有留言:
發佈留言