低血壓

之前一直都活力充沛、精神飽滿ge，但呢幾日就係地獄的開始，持續幾日低血壓，最低時去到上壓78下壓38，已經幾日無出街，主要都臥床休息，成日周身唔舒服、透唔到氣，腳浮浮咁，我唔覺得呢d係懷孕的徵狀，但主要原因都係低血壓。

點知，真正黎料係︰尋晚臨瞓嘔佐一次，主要嘔佐幾啖水同一啖中藥，今朝作嘔但乜野都嘔唔出。

連水吧出完街返黎見到我，都話︰「吓？！乜咁陰公呀，淨係對眼識郁咋？？」唔知呢個情況會持續幾耐，所以同佢地講明第日只可以問我yes no question，眨一下眼就係yes，眨兩下就係no.

老公對我都已經好好，掃背就掃背，遞薑茶就遞薑茶，奶奶對我的照顧都無微不至，掛住照顧我都唔記得為佢個親生仔準備lunch。

上網，見到有個台灣學佛的媽媽話，嬰靈其實一早已經痴住我，所以我可以同佢傾下計ge~~

我唯有恐嚇阿b︰「我食唔到野時，你都食唔到ga jar，到時大家攬住一鑊熟！！」

講完後，我真係覺得舒服佐好多~~阿b都算乖ge~~

其實低血壓對孕婦來說是正常的，畢竟多佐個用家，血路都要兜多幾轉，血量不變的情況下，血壓就自然扯低佐，不過對於平時已經低血壓的我來說，就低上加低、雪上加霜。而家唯一可以就係食多d野，少食多餐，以保持血壓同血糖平穩，希望明天可以安然返工。

呢張的血壓已經算係幾好la~~