香港溫暖 - 荃灣西港鐵職員

有佐bb之後已經早d出門口，咁就無咁多人，會舒服d，今朝有少少肚疴，搞到遲佐五分鐘出門口，地鐵已經好多人（不過未算迫爆）。

終於去到荃灣西，忍唔住落車，一落車就坐佐係d椅度挨著休息，呢個時候有個非常好心的港鐵職員（男仔）黎問候我，我話我休息一下就ok，老公大人即刻上去搵7仔買果汁俾我，之後另一個港鐵職員（女仔）走過黎問我需唔需要去休息室，我真係非常感動，又不好意思，其實飲過凍凍的果汁，又做佐幾個深呼吸，已經好佐好多，休息佐大約十至十五分鐘之後，又準備上車，又另一個港鐵職員（女人）走過來，提議不如帶我去第五卡車，有優先座，但我婉拒了，畢竟只坐一個站，會好好多ga la~~但對於呢三個職員的熱絡，我真係非常感動，荃灣西係我見過最最最有人情味的車站啊（可能我今日面色真係非常差）！！

今日精神不太好，沒有留意每一位職員的名字，但都深深感動，謝謝你們給我一個美好的早上，也希望你們工作順利、愉快。