大肚褲

今日趁老公有飯局，終於可以還我自由，盡情自己shopping，平時佢跟出跟入成日依依哦哦，去親shopping都要快d走之類，雖然都知佢擔心我攰或者唔舒服，但真係好鬼煩，今日終於放監la~~

我去佐傳聞有平大肚衫褲的花園街，近太子果便街頭的舖頭，有兩間，一間賣好多衫裙褲，另一間只賣褲，我揀佐只賣褲果間。因為d大肚裝真係揀唔落手，同埋呢幾年興鬆身款的衫裙，我而家d衫應該仲著到一排，所以買褲急切d，尤其而家乍暖還寒的天時，大脾成日都覺得好凍凍喔，著裙都要著返條legging~~

老闆娘一見我個肚，就問︰「六個月嗱？？」

我尷尷尬尬咁︰「無啊，你估呢~~」

老闆娘逐個月去減，問到︰「三個月？！」

我︰「都無啊，得9 week咋~~」

老闆娘︰「都咁大啊？！係咪孖胎啊？？」

我︰「照過話唔係囉~~」

老闆娘︰「睇你手幼腳幼，咁就真係好長胎wor~~」我只可以報以尷尬一笑……

老闆娘揀佐一條褲俾我，個腰圍可以調較鬆緊，可以著到生bb都仲著到︰「你而家著緊果d legging就唔好再著啦，好緊好cool住ga~~」

唔講唔覺，一講就好覺，其實我已經將褲頭拉到好低腰咁著，但係佢講完後又真係覺得好cool，果一刻真係想即刻買多幾條大肚褲，我鐘意有彈性ge，不過legging無黑色，又未返牛仔褲款，揀黎揀去就只買佐老闆娘介紹果條，希望佢快d返貨，我就可以買多兩條替換下啦~~

返到屋企時，即刻除佐原本條legging，一套條大肚褲，好鬼死舒服，真係舒服都唔想除返落黎啊，不過要改褲長，所以聽日返工都未著得住，好唔捨得除落黎啊，btw行佐成晚，好滿足，買佐一個頭cool，兩個少女薄bra，一個環保袋，仲有兩個奶咀tim~~

呢兩個奶咀十年前見過，我果陣仲買佐兩個寄佐去美國俾珊珊姐姐，咁耐都無再見到，而家竟然俾我見返，仲平佐好多，我即刻買佐兩個，好正啊！！

p.s. 今日返屋企坐地鐵時，有人讓座俾我啊，好幸福，好多謝果位有心的小姐，乜我個肚真係咁大咩？！