救命南棗

之前都有講過，為佐維持血壓同血糖，我要keep住日日食好多野，但咁食落去都唔係辦法，最後我發現最最最有可能的係，我有機會係貧血而引致血壓低！！

非常關心我的水母大人喺呢個時候就朝朝蒸補血的南棗俾我食，蒸好的南棗暖暖的，食落個胃度好舒服，除佐即刻食之外，我仲用牛油紙逐粒包好，放喺手袋隨時食！！

我每日都係食三粒左右，連續食佐幾日，食量減少佐，精神好佐，血壓都好返d上返去98/59，雖然都算偏低，但夠用已經好好多啦~~

今晚食完飯飯後，肚仔漲漲，老公大人又黎摸阿b心跳，俾我影低呢個溫馨的時刻。

雖然好多人都話做媽媽的好偉大、懷孕的女人好偉大，但其實作為另一半的老公（準爸爸）都好偉大呢，呢排我盡地享受著女王的生活，縱然成日覺得唔舒服，但總是水來伸手、飯來張口，只要開口，老公總是盡力滿足、照料我，按手按腿、掃背、斟茶遞水、餵飯等等，其實佢都好攰好辛苦，仲俾日俾我發洩咁meet佢踢佢鍊佢打佢咬佢（唔係佢我而家點會咁唔舒服wor，本住呢個原因，就成日想糟質佢！！）~~

所以突然間覺得，單親媽媽、未婚媽媽同有個衰老公的媽媽真係好慘好辛苦，當無另一半喺身邊，好多野要自己面對自己去做，有d人的反應可能仲比我辛苦千倍百倍，所以我地要盡力支援身邊有需要的人啊！！