豆豆第一次出街~~（video）

一直以為同豆豆有緣，點知俾隻衰野呃左我，佢竟然係人都撩ga，同d雀友傾開計，原來先知好多人見過佢，仲同佢玩過tim ga~~
當日拎豆豆返屋企時太興奮，又想快d返屋企，連單都無拎，我覺得其實拎唔拎單都無乜所謂，返到屋企真係有咩事的話，都無辦法ga，但係經雀友提醒，原來走雀時去漁護署認領時，就係靠張單的腳環號碼ga la，所以張單係好重要的。不過其實豆豆連出世紙都無ga，我鐘意豆豆，係因為佢係佢，並唔係佢係咩品種、咩身價、有無出世紙，正如其他雞雞一樣，佢地都係獨立而無可代替的。

所以呢，今日特登要帶豆豆返去，寫返腳環no.拎單，同埋要剪腳扣。
個8字扣太長啦，豆豆成日行路都踩住個扣，在籠頂籠裡走動時個扣又click住個籠，好唔方便又有斷腳的危險，況且佢又唔係囚犯，用乜鬼野腳鐐？？呢d野喺屋企唔需要，出街先戴啦，希望佢可以習慣出街同用飛行帶。
我地用行街袋同佢出街，豆豆好好奇外面的世界。

一路坐車，豆豆都好安靜，叫都無叫過，咁佢其實喺行街袋入便做乜呢？？



一去到妹姐度，我︰「我要退貨呀，退返個腳扣俾你~~」 XDDD
妹姐︰「唉，呢d衰人野又留返俾我做ga la~~好啦，隻雀認住我係衰人好啦~~」XDDD
豆豆都係痴walter多d，可能我成日都試下將佢反肚，佢唔鐘意反肚呢。今日豆豆在walter的膊頭講「你好」呀~~