冰皮月餅（粟子朱古力脆脆、奶黃蛋黃）

第一次做冰皮月餅，原來冰皮月餅好易做，定係我用佐最懶的方法呢？？

老公大人陪我去佐烘焙店買佐冰皮粉和熟糕粉（手粉），再選了自己喜歡的餡料，就咁搞掂哂啦~~

冰皮粉只需要按比例加水開，我再加佐少少深啡色的vanilla香油，攪好後等十五分鐘d粉鬆弛就可以即刻用，非常方便啊！！

至於餡料方便，老公大人極鐘意粟子蓉同奶皇，所以都買佐呢兩種餡，但我個人比較鐘意餡中餡，所以再買佐蛋黃同朱古力脆脆，可以隨意組合丫ma~~

第一批冰皮月餅就係咁完成佐啦，由於大家心急試味，所以喺冰格雪佐半個鐘左右就上枱啦~~

PEKKLE鴨仔同水母萬歲係我做的，水水仝人一睇就知係我老公的專屬月餅模啦~~

pekkle月餅，係粟子朱古力脆脆餡，不過包得唔夠靚，有少少穿，但都已經盡佐力啦~~不過對眼都唔係好明顯，為佐影相效果好D，我最後都加佐兩粒黑芝麻做眼，笑到老公肚痛~~

初時整起時好開心ga，但當把刀由pekkle個頭開始切開左右兩邊，真係有少許難受的感覺，都係有少少後悔整pekkle月餅模……

你話我擦鞋都係咁ga la~~做好新抱呢，一定要（乙水）奶奶開心~~
我當初訂模時，第一個閃入腦海呢就係呢個「水母萬歲」啦~~
水母一見到呢個月餅，即刻笑哂~~

水母萬歲係奶黃蛋黃餡~~

以下係今次做月餅的小小心得~~

當初老公唔鐘意有字的餅模，話好娘喎，但係後來俾佢知可以訂模刻自己的字呢，佢就即刻話要刻「水水仝人」啦，其實今日諗下諗下，「冰皮」、「蛋黃」、「豆蓉」就見得多，好唔好下次訂個「卑鄙」整個冰皮月餅呢？？

用佐啡色的vanilla香油，搞到冰皮個皮個賣相唔多好咁，下次都唔用vanilla香油了~~

d廣告成日話皮薄餡靚，餡靚就一定要ge，但皮薄係呃人ga，如果d皮太薄就會穿餡，而且印模時就會壓哂d餡出餅面。所以我用碌碌碌平個粉團時，特登中間位要厚d，可以印到d字，外面就薄少少，之後先包住個餡。

印模前，最好先撒d手粉喺個模入便，然後再撒d手粉喺搓好的粉團庿，最後先將粉團放入模中，咁樣可以幫助脫模，同埋印出的字會清晰d。

個pekkle模唔係好識用，都整到怪怪地咁……