三角關係

潮潮爆爆乖乖三角關係之新進展︰

唔經唔覺，爆爆都同乖乖交配佐差唔多半年，但係都未有所出。
媽媽今日發現爆爆竟然同潮潮交配，完事之後仲好温馨咁互相梳毛梳佐一個鐘，爆爆仲不時好爹咁叫兩聲，好似情人間的竊竊私語。
以前爆爆同乖乖搞完就即刻鬆人ga，係食飯時會就下乖乖咋~~
真係同雀唔同命~~

經過尋晚果件事之後，乖乖都十分落寞，尋晚已經匿埋o係糧兜底同屋仔入便，
見到人地恩恩愛愛咁梳毛，佢就擰歪面扮訓覺，實行「無眼便便乾淨盲」~~
連我俾佢最愛的蜜糖棒棒，佢都無乜心機食……

見到佢咁，真係又可愛又可憐啊~~