尋晚晋傑黎我地間房玩，我地玩鋤大D，先旨聲明佐話輸佐要食果隻風乾雞的雞頭，晋傑輸佐又唔肯食，於是幾個男仔就夾手夾腳（手禁）佢o係床，將個雞頭放o
係佢面前，佢即卡掩口，狂話果隻雞好臭，我地都唔過份丫，只係話如困佢下次再輸就要食雞pat
pat，點知佢又輸佐，我地又將佢（手禁）o係床度，點知個雞一放入佢口，係就即刻衝入toliet度扣喉，然後又將自己反鎖o係toliet度，唔肯出
黎，我地將所有燈熄哂，又扮鬼叫，佢本來唔驚，但後來又大叫︰「放我出去！！放我出去！！」冇幾耐我地又聽到出面有拍門聲，我地唔敢開門，後來用防盜眼見
到出便愈來愈多人，我地又驚，所以後尾都要開門，原來本來係李太要搵個仔，但毃門又冇人應，以為佢唔知去佐邊！！我地仲以為晋傑用toliet果個電話入
內線打電話俾佢媽媽求救，後來佢話俾我地知果個電話根本冇按鍵，打唔出，只可以收電話。今朝李太仲話俾我地知，尋晚晋傑佢發開口夢，大叫︰「我要出去！！
我要出去！！」李太仲大爆話晋傑原來一直都有夢遊的習慣，有一次佢睇完《大腳八》時，李太o係半夜聽到廚房好嘈，佢去睇睇，於是就見到晋傑開佐個雪櫃門自
言自語話︰「大腳八，你食唔食雪糕呀？？o下，大腳八？？」
今日行程都好悶，我地去佐大雁塔，果度建築物好靚，好似日本神社咁，我仲見有到個和尚o係度飲可樂，好得意呀！！不過我同michelle都唔可以入廟上香，真係有d可惜……
然後我地又去佐碑林同「民間藝術街」，我雕佐個圖章俾自己，粒石好靚，係紫藍色又有閃閃金粉o架，應該係紫金沙！！michelle個圖章好似係寫住「秋香」喎！！
沒有留言:
發佈留言