西安 day 2

今日好攰，因為成日都坐旅遊車，中國大陸地大脈博，所以每個景點都好遠，早知尋晚就通宵唔（目訓）啦~~


朝早我地就去佐希望小學，果度d 師生都用隆重的儀式歡迎我地，企o係果度都幾不知所措……果度的學生塊臉都紅紅地咁，初時仲以為佢地化佐妝，但係後尾先知原來係果度的天氣亁燥所以佢地塊 臉都爆擦，佢地d手都好污糟，可能係當地的衛生條件差，而且水源都少……然後我地去佐睇佢地表演，佢地的表演都好精彩，跟住我地又參觀校舍，校舍都好簡 陋，但係d小學生的字都好靚，希望小學的校長話俾我知，佢地每個同學的學費係一個學期一百四十蚊，包括書，唔包括文具，佢地大多係農民，我諗一百四十蚊對 佢地黎講都係一個沉重的負擔！！最後我地走的時候，成條村的村民都歡送我地，佢地送佐一箱核桃同一箱汽水俾我地。

我地又坐佐好耐車，約兩 點半先食飯，好肚餓呀！！我地去佐一d農家，佢地煮野俾我地，多數都係冷盤，雖然好好食，但係都係有d唔習慣，而且我發現佢地d（食送）大部分都係瓜果蔬 菜，少肉多飯，好符合而家所提倡的「健康飲食金字塔」。果d農民都好好，好親切，而且佢地所造的辣椒油都好好味，佢地將辣椒曬乾，磨粉，再淋熟菜油，呢d 辣椒油都香而不辣，可惜我地都冇容器，帶唔走……好在下午行市場發現有得買，個二一包，我買佐好多，仲買佐一d松子仁。

我見到果度仲有好多核桃、果仁，我諗係當地的特產卦……